پاکستان اور مسلمانوں میں انتشار، فساد اور تقسیم کے لئے دشمن نےمذہبی بیانیہ ، نظریہ کو استعمال کیا، تحریک طالبان پاکستان (ٹی ٹی پی )، داعیش، القاعدہ ، بوکو حرام کی دہشت گردی سے مسلمانوں کا نقصان اور دشمنوں کے مقاصد کا حصول آسان ہوا- لیکن پاکستان فوج نے ان دشتگردوں کو شکست دی. نظریاتی طور پر دہشت گردی کے خلاف متفقہ قومی بیانیہ تاریخی فتویٰ -پیغام پاکستان جاری ہوچکاہے-

https://paighampakistan.wordpress.com

فاٹا کے علاقه میں عوام نےسخت مصیبتیں اور تکلالیف اٹھائیں- جب امن کا آغاز ہوا تو فاٹا کے عوام کی مجبوری اور مشکلات کی آڑ میں اب دشمن “قوم پرستی کے نظریہ” ساتھ وہی مذموم مقاصد حاصل کرنے کی کوشش کر رہا ہے. ریاست عوام کی مشکلات کو حل کرنے کی کوشش کر رہی ہے جس میں وقت لگتا ہے- پورے ملک میں عوام کو مسائل اور مشکلات کا سامنا ہے، کہیں کم کہیں زیادہ- انتظامی کمزوریوں کو لسانیت اور قوم پرستی کا رنگ دینا غلط ہے- فاٹا کےعوام کےمسائل سول سیاسی حکومت نے حل کرناہیں. فوج حکومت کی مدد کرتی ہے- سیاسی اور انتظامی مطالبات میں فوج سے مطالبات ، احتجاج ، جنگ کرنا کسی ملک میں قابل قبول نہیں ہو سکتا- ہر ایک ریاستی ادارہ کو اپنا اپنا کردار ادا کرنا ہے- یہ عوام کو سمجھنا ہے تاکہ دشمن کے آلہ کار ان کو گمراہ کرکہ ملک دشمن سرگرمیوں میں استعمال نہ کر سکیں-

پاکستانی ایک قوم ہیں جو نظریہ پاکستان (انڈیا میں دو اقوام ، مسلمان اور غیر مسلمان) کی بنیاد پر معرض وجود میں آیا- نظریہ پاکستان کو بر صغیر پاک و ہند کے مسلمانوں کی اکثریت کی حمایت حاصل تھی- صوبہ سرحد (خیبر پختونخواہ) میں کانگریسی باچا خان کے نظریات کو پختونووں نے ریفرنڈم میں ٩٩.٩٩% اکثریت سے مسترد کر کہ پاکستان میں شامل ہو گئے- بلوچستان کا بھی یہی فیصلہ تھا- مسترد لوگ اپنی سیاست چمکانے کے لیے لسانی قوم پرستی کے نظریہ انتشار اور فساد پھیلانے کی کوشش کرتے ہیں اور ان کو بیرونی دشمن قوتوں کی مدد حاصل ہوتی ہے-

عوام کو نظریاتی سمجھ ضروری ہے- نظریاتی میدان خالی پا کر دشمن نئے دہشت گرد ریکروٹ کرتا رہے گا – جنگ کبھی ختم نہ یو گی جب تک بظریاتی محاز پر پاکستان کے انٹلیکچوئیلز ، علماء ، سیاست دان، حکمران. عوام اور میڈیا اپنا کردار ادا نہ کریں –

پاکستانی مسلمان ، پنجابی ، سندھی ،پشتون، بلوچ اورغیر مسلم بھی ہیں جواسلامی جمہوریہ پاکستان سے محبت کرتے ہیں اور اندرونی ، بیرونی دشمنوں اور ان کے آلہ کار گمراہ لوگوں سےجنگ میں افواج پاکستان کے شانہ بشانہ کھڑے ہیں. محب وطن پاکستانی دشمن کو کامیاب نہیں ہونے دیں گے، قوم امن اور خوشحالی چاہتی ہے. عوام ہائبرڈ وار ، دہشت گردی اور پروپیگنڈا کے خلاف جنگ میں پاکستان کی فوج کی حمایت کرتے ہیں اور لسانیت قوم پرستی کو مسترد کرتے ہیں-

پاکستان میں کچھ لوگ پشتون، پختون، بلوچ ، سندھی اور مہاجر قوم پرستی کی سیاست کر رہے ہیں کیونکہ ملکی لیول پر وہ عوام سے ووٹ نہیں کے سکتے لہٰذا جاہلیت کے دور کی نسلی قوم پرستی ایک قبائلی جہالت زدہ معاشرہ میں ان کی سیاسی زنندگی ہے-

قوم پرستی کی سیاست کرنے والے اپنے مقاصد کے لینے پختونوں کو ڈبے میں بند رکھنا چاہتے ہیں تاکہ چند فیملیز کی لیڈرشپ قائیم رہے۔
یہ سترویں صدی نہیں اکیسویں صدی ہے … وہ زمانہ گیا جب شمال سے گھوڑوں پر سوار حملہ آور فتوحات کرتے تھے … کوئی ملک دوسرے ممالک پر مستقل قابض نہیں ہو سکتا ، سپر پاور بھی نہیں … بلآخر اس کو جانا پڑتا ہے- معاشی اور سائنسی ترقی سے دوسروں پر اثر و رسوخ بڑھایا جا سکتا ہے- معیشت نے ملکوں کو آپس میں جوڑ رکھا ہے – چین نے”روڈ اور بیلٹ” ، سی پیک سے اپنی اور دوسروں کی ترقی کا منصوبہ بنایا ہے .. کسی ملک پر حملہ کر کہ قبضہ نہیں کیا ، جبکہ ان کی فوج بہت طاقتور ہے-

پہلے اپنے عوام کی حالت تو ٹھیک کریں, جہالت کو تعلیم سے ختم کرکہ ترقی یافتہ اقوام میں شامل ہوں-
نشنلسٹ سیاست دان پختون خواہ اور بلوچستان میں حکمران رہے ، انہوں نے عوام کی بہتری کے لیے کیا کیا؟ آج بھی پختون کراچی اور دور دراز جگہوں پر سخت مشقت ، مزدوری کرنے پر مجبور ہیں- ان کو پختون نسلی برتری کے خواب دیکھا کر استحصال نہ کرو- اکیسویں صدی میں کامیابی کے لیے عوام کو تعلیم اور روزگار چاہیے- پشتون عوام نے ان کو مسترد کر دیا – ان سیاست دانوں کی کرپشن کی داستانیں عام ہیں-

بھٹو اگر صرف سندھی لیڈر بن کر سندھ کی سیاست کرتا رہتا تو بینظیر اور بلاول اور پی پی کا کیا حشر ہوتا؟
پشتون اگر اپنے خول سے باہر نکل کر قومی لیول پر آیئں تو پاکستان کو لیڈ کرسکتے ہیں ۔۔ اس وقت حکومت پاکستان میں ساٹھ فیصد پشتون ہیں- جن لوگوں نے ماضی میں ہندوستان پر حکومت کی ان کو ایک علاقہ میں پشتون قوم پرستی کے فرسودہ نظریات کی آڑ میں محصور کردینا کیادرست ہے؟

پاکستان میں دو طبقے ہیں ظالم اور مظلوم ۔۔۔ آگے آئیں اور پاکستان میں پاکستان لیول کی قومی سیاست کریں، امن دشمنوں کو مسترد کریں – امن و امان سے اپنے عوام کی فلاح و بہبود کریں-

——————-

لسانیت قوم پرستی کے نظریہ کو سمجھنا ضروری ہے، نظریہ کی شکست فتح کی طرف پہلا اور بنیادی قدم ہے-

قوم پرست (nationalist) کے معنی ایک ایسا فرد ہے جو کہ اپنی قوم سے محبت رکھتا ہے اور اس کو آزاد اور خوشحال اور برسر ترقی دیکھنا چاہتا ہے۔ بظاھر اس میں کوئی برائی نظر نہیں آتی ، مگر کثر مسلم مفکرین قوم پرستی کو انسانیت کے لئے زہر قاتل قرار دیتے ہیں۔ ان کا خیال ہے کہ اگر قوم پرستی کا جذبہ صرف اپنی قوم کی ترقی تک محدود ہوتا تو یہ ایک شریفانہ جذبہ ہوتا، لیکن درحقیقت یہ محبت سے زیادہ عداوت، نفرت اور انتقام کے جذبات اس کو جنم دیتا ہے۔

قوم پرست کے جذبات اپنی قوم کے مجروح اور کچلے ہوئے جذبات یا بعض اوقات زیادتیوں یا مظالم سے بھڑک اٹھتے ہیں۔ اس کا آغاز اپنی قوم کے خلاف ہونے والی ناانصافیوں سے ہوتا ہے۔ اس کے مقاصد اول ان بے انصافیوں کی تلافی کرنا ہوتا ہے جو کسی دوسری قوم نے واقعی یا خیالی طور پر برپا کررکھی ہوں۔  آجکل نسلی عصبیت پرفخرکرنےکا بہت رواج ہے- لوگ سندھی، بلوچی، پنجابی ، مہاجر پختون ہونے پرفخرکرتےہیں- تاریخ ظاہرکرتی ہے کہ اس خطہ میں جن لوگوں نے کوئی قابل ذکر کام کیا وہ اکثر مسلمان کی حثیت سے تھا ناکہ نسلی برتری پر اگرچہ قومی روایت کا بھی اہم کردارتھا- اس جذبہ کر کوئی اخلاقی ہدایت، کوئی روحانی تعلیم، یا شریعت الٰہی رہنمائی اور ہدایت فراہم نہیں کررہی ہوتی لہٰذا یہ جذبہ معاشی قوم پرستی، نسلی منافرت کا باعث بنتا ہے۔ اس جذبہ کےباعث بدامنی، جنگ اور قتل و غارت گری تاریخ میں ملتی ہے۔

آج پاکستان میں ایک سوچی سمجھی سازش کے تحت پاکستان کے باسیوں کو قوم پرستی کی دلدل میں پھنسایا جارہا ہے یہ وہ جہالت ہے جس میں مشرکینِ مکہ ہی نہیں پورا جزیرۃ العرب مبتلا تھا اور چھوٹی چھوٹی سی بات پر ایک قبیلہ دوسرے قبیلہ پر حملہ آور ہوجاتا تھا اور یہ لڑائی کئی کئی دن تک ہوتی رہتی اور جب دونوں طرف سے سینکڑوں لوگ قتل ہوجاتے تو خود ہی تھک ہار کر لڑائی وقتی طور پر ختم کردیتے تھے، یہ قوم پرستی کی انتہائی ذلت آمیز داستانیں ہیں جو کہ ہم سب کو علم ہونے کے باوجودآج پاکستان میں دوہرائی جارہی ہیں مگر بجائے ہم ان سے درسِ عبرت لیں ان کو فراموش کیے بیٹھے ہیں اور ہمارے اہلِ علم حضرات بھی اس جہالت سے پُر فتنے پر لکھتے اور بولتے نظر نہیں آ رہے۔

قوم پرستی ایک خطرناک موذی مرض ہے اس سے ہر مسلمان کو آگاہی ہونا بہت ضروری ہے تبھی ہم اس خطرناک مرض سے بچ سکیں گے، کیا وجہ ہے کہ ہم ایسی بیماری جو انسان کی جان لےسکتی ہے سے بچنے کی ہر ممکن کوشش کرتے ہیں مگر ایسا مرض جو ایک انسان کی ہی نہیں پوری انسانیت کے لیے موت کا پیغام ہے سے بچنے کی تدبیر نہیں کررہے-​

مگر آج یہود کی سازشیں کامیاب ہو گئی ہیں،کیا وجہ ہے کہ ہم یہود کی سازشوں کا مقابلہ نہیں کرپارہے، اور اب کیا وجہ ہے کہ ہم کو پھر پہلے والی جہالت کی طرف دھکیلا جارہا ہے جس چیز کو اسلام نے حرام قرار دیا تھا آج ہم یہود اور نصاری کے ایجنٹوں کی باتوں میں آکر اسی حرام کام::نسلی تعصیب:: پر عمل کررہے ہیں؟
اللہ نے ہر انسان کو عقل و شعور سے نواز رکھا ہے مگر اب جو کوئی اس کا استعمال نہیں کرتا اور ایسے شخص کی اطاعت اور پیروی کررہا ہے جو کہ مسلمانوں میں انتشار اور تفرقہ پیدا کررہا ہے تو ایسے لوگ اصل میں گدھے ہیں کہ کوئی جہاں چاہے ان کو ہانک کر لے جائے، ارے بھائیو اس عقل و شعور کا کیا فائدہ اگر اس کو استعمال نہیں کرنا تو؟
اسلام میں قوم پرستی صرف حرام ہی نہیں بلکہ اس کو جہالت کہا گیا ہے،یہ ایسی جہالت ہے جو قوموں کو زوال کی طرف لے جاتی ہے اور اسلام میں لوگوں کو قوموں کی سطح پر تقسیم در تقسیم کردیتی ہے اسلام جو واحدت و اتفاق کا درس دیتا ہے یہ قوم پرستی اسلام کی واحدت کو پاراپارا کردیتی ہے، اب ہم دیکھتے ہیں کہ اللہ نے یہ مختلف قبائل اور خاندان کیوں بنائے ہیں آیا اس لیے کہ ان کی بنیاد پر لوگ کو آپس میں لڑایا جائےاور ان کی نسلوں کوختم کیا جائے یا کہ صرف آپس میں پہچان کے لیے ہیں۔اللہ تعالی کا ارشاد ہے کہ​:

يٰٓاَيُّهَا النَّاسُ اِنَّا خَلَقْنٰكُمْ مِّنْ ذَكَرٍ وَّاُنْثٰى وَجَعَلْنٰكُمْ شُعُوْبًا وَّقَبَاۗىِٕلَ لِتَعَارَفُوْا ۭ اِنَّ اَكْرَمَكُمْ عِنْدَ اللّٰهِ اَتْقٰىكُمْ ۭ اِنَّ اللّٰهَ عَلِيْمٌ خَبِيْرٌ (الحجرات، 49 : 13)​
​
اے لوگوں یقینا ہم نے تم سب کو ایک ہی مرد اور عورت سے پیدا کیا ہے اور تمہیں مختلف قوموں اور خاندانوں میں (محض اس لئے) تقسیم کر دیا کہ تاکہ تم آپس میں پہچان کر سکو بیشک اللہ کے یہاں تم میں سے سب سے بڑا عزت دار وہ شخص ہے جو سب سے زیادہ متقی (و پرہیز گار) ہو بیشک اللہ پوری طرح جانتا ہے (تمہارے عمل و کردار کو اور وہ) پوری طرح باخبر ہے (تمہاری احوال سے)
​
مقصد اس آیت مبارکہ کا یہ ہے کہ حضرت آدم علیہ السلام جو مٹی سے پیدا ہوئے تھے ان کی طرف سے نسبت میں توکل جہان کے آدمی ہم مرتبہ ہیں اب جو کچھ فضیلت جس کسی کو حاصل ہو گی وہ امر دینی اطاعت اللہ اور اتباع نبوی ﷺ​
کی وجہ سے ہو گی یہی راز ہے جو اس آیت کو غیبت کی ممانعت اور ایک دوسرے کی توہین و تذلیل سے روکنے کے بعد وارد کی کہ سب لوگ اپنی پیدائشی نسبت کے لحاظ سے بالکل یکساں ہیں کنبے قبیلےاور برادریاں صرف پہچان کے لئے ہیں تاکہ جتھا بندی اور ہمدردی قائم رہے۔ فلاں بن فلاں قبیلے والا کہا جاسکے اور اس طرح ایک دوسرے کی پہچان آسان ہو جائے ورنہ بشریت کے اعتبار سے سب قومیں یکساں ہیںجنوبی ایشیا میں مسلم قوم پرستی سے مراد وہ تمام سیاسی اور تہذیبی اقدامات ہیں جن کی وجہ سے جنوبی ایشیا میں اسلام کی بنیاد پر مسلمانوں کاالگ تشخص قائم کرنا تھا۔
مسلم قوم پرستی کی سوچ دہلی کے سلاطین اور مغل شہنشاہوں کے اس زمانے میں رائج ہوئی جب یہاں اُن کا راج تھا اور یہاں پر وسطی ایشیائی ریاستوں سے لوگ آکر آباد ہونا شروع ہوئے-

پاکستان دو قومی نظریہ کی بنیاد پر وجود میں آیا-

یعنی ہندوستان میں صف دو قومیں ہیں 1)  مسلمان  2) غیر مسلم (ہندو اور دوسرے ). 
جنگ آزادی 1857ء کے دس سال بعد علی گڑھ مکتبہ فکر کے بانی سرسید احمد خان نے ہندی اردو جھگڑے کے باعث 1867ء میں جو نظریہ پیش کیا ، اسے ہم دو قومی نظریے کے نام سے جانتے ہیں۔ اس نظریے کی آسان تشریح یوں کی جاسکتی ہے کہ اس کے مطابق نہ صرف ہندوستان کے متحدہ قومیت کے نظرئیے کو مسترد کیا گیا بلکہ ہندوستان ہی کے ہندوؤں اور مسلمانوں کو دو علیحدہ اورکامل قومیں قراردیا گیا۔ انڈین نیشنل ازم پر یقین رکھنے والوں کے لیے دو قومی نظریہ صور اسرافیل بن کر گونجا ۔ ہماری شاہراہ آزادی پر دو قومی نظریہ وہ پہلا سنگ میل ہے جسے مشعل راہ بنا کر مسلمانان ہند بالآخر 1947ء میں اپنی منزل مقصد کو پانے میں سرخرو ہوئے۔

اسلام نسل ، زبان، علاقہ کی بنیاد پر قوم پرستی کو مسترد کرتا ہے- لہٰذا قوم پرست افراد اسلام کے اصولوں کے خلاف کام کرتے ہیں. ہم سب سے پہلے انسان پھر مسلمان (بنی آدم) پھر قبیلہ یا گروہ صرف پہچان کے لیے نہ کہ برتری کے لیے- اسلام میں تمام انسان برابر ہیں ، برتری صرف ایمان و تقویٰ اور اچھے اعمال کی بنیاد پر:

يٰـاَيُّهَا النَّاسُ اِنَّا خَلَقْنٰـکُمْ مِّنْ ذَکَرٍ وَّ اُنْثٰی وَ جَعَلْنٰـکُمْ شُعُوْبًا وَّ قَبَـآئِلَ لِتَعَارَفُوْاط اِنَّ اَکْرَمَکُمْ عِنْدَ اﷲِ اَتْقٰـکُمْ ط اِنَّ اﷲَ عَلِيْمٌ خَبِيْرٌ. (الحجرات، 49 : 13)

’’اے لوگو! ہم نے تمہیں مرد اور عورت سے پیدا فرمایا اور ہم نے تمہیں (بڑی بڑی) قوموں اور قبیلوں میں (تقسیم) کیا تاکہ تم ایک دوسرے کو پہچان سکو۔ بیشک اللہ کے نزدیک تم میں زیادہ با عزت وہ ہے جو تم میں زیادہ پرہیز گار ہو، بیشک اللہ خوب جاننے والا خوب خبر رکھنے والا ہے۔‘‘
:﴿وَلاَ تَنَازَعُواْ فَتَفْشَلُواْ وَتَذْهَبَ رِيحُکُمْ﴾(انفال،آيت ٤٦)؛ “خبر دار آپس ميں لڑائي جھگڑے سے دور رہنا ورنہ کمزور پڑ جائو گے اور تمہاري بني ہوئي يہ ہوا اکھڑ جائے گي تمہارا شيرازہ بکھر جائے گا”۔
واعتصموا بحبل اللہ جمیعاً ولا تفرقوا (آل عمران ١٠٣)
اللہ کی رسی کو مضبوطی سے پکڑے رہو اور آپس میں تفرقہ نہ پیدا کرو
اور کبھی سارے مسلمانوں کو ایک جٹ ہو کر صلح وآشتی کے ساتھ رہنے کی تاکید کی :
فاتقوااللہ واصلحو اذات بینکم (انفال ١)
تقویٰ الٰہی اختیار کرو اور آپس میں صلح و بھائی چارگی کا برتائو کرو .
پیغمبر اسلام صلی اللہ علیہ وآلہ وسلم نے دو مرتبہ مسلمانوں کے درمیا ن عقد اخوت قائم کیا یعنی ایک مسلمان کو دوسرے مسلمان کا بھائی بنایا جسکے بعد قرآن مجید کی یہ آیت بھی نازل ہو گئی : انما المؤ منون اخوة
سارے صاحبان ایمان ایک دوسرے کے بھائی ہیں ۔
گویا عقد اخوت رسول ہی کے زمانے کے لئے نہیں تھا ، یہ ایک دائمی حکم اور عہد وپیمان ہے جو ہمیشہ بر قرار رہے گا قرآن کی رو سے ایک مسلمان دوسرے مسلمان کا بھائی ہے اور رہے گا ، رنگ و نسل ، قوم وقبیلہ کی کوئی تفریق نہیں ، معیار فقط اسلام ہے اور بس .
ولا تنازعوافتفشلوا و تذہب ریحکم (انفال ٤٦)
خبر دار آپس میں لڑائی جھگڑے سے دور رہنا ورنہ کمزور پڑ جائو گے اور تمہاری بنی ہوئی یہ ہوا اکھڑ جائے گی تمہارا شیرازہ بکھر جائے گا .

یہی حقائق جو قرآن میں بیان فرمائے گئے ہیں، رسول اللہ  صلی اللہ علیہ وآلہ وسلم  نے ان کو مختلف خطبات میں مختلف مواقع پر تفصیلاً بیان فرمایا ہے۔ فتح مکہ کے موقع پر فرمایا۔
ألحمد ﷲ الذی أذهب عنکم عيبة الجاهلية و تکبرها. بأباها الناس رجلان برتقی کريم  صلی الله عليه وآله وسلم  علی اﷲ وفاجر شقی هين علی اﷲ، والناس بنو آدم و خلق اﷲ آدم من تراب.
سيوطی، الدر المنثور، 7 : 579
’’شکر ہے اس خدا کا جس نے تم سی جاہلیت کا عیب اور غرور دور فرمایا، لوگو! تمام انسان صرف دو قسم کے ہیں۔ ایک نیک، پرہیزگار، اللہ کی نگاہ میں عزت والا۔ دوسرا فاجر بدبخت جو اللہ کی نگاہ میں ذلیل ہوتا ہے۔ تمام انسان آدم کی اولاد ہیں اور آدم کو اللہ نے مٹی سے بنایا‘‘۔
حجۃ الوادع کے موقع پر فرمایا :
يٰا أيّها الناس ان ربکم واحد لا فضل لعربی علی عجمی ولا لعجمی علی عربی ولا لأسود علی أحمر ولا لا حمر علی أسود إلا بالتقوی إن أکر مکم عند اﷲ أتقٰــکم ألا هل بلغت؟ قالوا بلی يا رسول اﷲ قال فليبلغ الشاهد الغائب.
بيهقی، شعب الايمان، 4 : 289، الرقم :  5137
’’لوگو! سن لو، تمہارا خدا ایک ہے کسی عربی کو عجمی پر اور کسی عجمی کو عربی پر، کسی کالے کو سرخ اور کسی سرخ کو کالے پر تقوی کے سوا کوئی فضیلت نہیں۔ بے شک تم میں اللہ کے نزدیک معزز وہ ہے جو تم میں زیادہ پرہیزگار ہے۔سنو! کیا میں نے تمہیں بات پہنچا دی؟ لوگوں نے عرض کی یا رسول اللہ! ہاں! فرمایا تو جو آدمی یہاں موجود ہے وہ ان لوگوں تک یہ بات پہنچا دے جو موجود نہیں‘‘۔
ایک حدیث میں ہے :
إن اﷲ لا ينظر إلی صورکم وأموالکم ولکن ينظر إلی قلوبکم و أعما لکم.
ابن ماجه ، السنن ،2 : 1388، الرقم :  4143
’’بے شک اللہ تمہاری صورتیں اور تمہارے مال نہیں دیکھتا، بلکہ تمہارے دل اور تمہارے عمل دیکھتا ہے‘‘۔

یہ تعلیمات صرف الفاظ کی حد تک ہی محدود نہیں بلکہ اسلام نے ان کے مطابق اہل ایمان کی ایک عالمگیر برادری عملاً قائم کر کے دکھا دی ہے۔ جس میں رنگ، نسل، زبان، وطن اور قومیت کی کوئی تمیز نہیں۔ جس میں چھوت چھات اور تفریق و تعصب کا کوئی تصور موجود نہیں۔ جس میں شریک ہونے والے تمام انسان خواہ کسی قوم، نسل، وطن، رنگ اور زبان سے تعلق رکھنے والے ہوں، بالکل مساویانہ حقوق کے ساتھ شامل ہو سکتے ہیں اور ہوئے ہیں۔ اسلام کے مخالفین تک کو یہ تسلیم کرنا پڑا کہ انسانی مساوات اور وحدت کے اصولوں کو جس طرح کامیابی کے ساتھ مسلم معاشرے میں عملی صورت دی گئی ہے، اس کی کوئی نظیر دنیا کے کسی ملک، کسی دین اور کسی نظام میں کہیں نہیں پائی گئی۔ صرف اسلام ہی وہ دین ہے جس نے دنیا کے کونے کونے میں پھیلے ہوئے مختلف قبیلوں اور قوموں کو ملا کر ایک امت بنا دیا ہے۔
پنجاب ، سندھ ،بلوچ، انڈیا اور پختون اکثریت کے مسلمانوں نے  پاکستان کے حق میں فیصلہ دیا- خیبر پختون خواہ (سابقہ صوبۂ سرحد) کے غیور مسلمانوں نے ہندوستان کی تقسیم کے وقت ،ریفریڈم میں اسلامک ریپبلک پاکستان کے حق میں ووٹ دے کر پختون قوم پرستی کوہمیشہ ہمیشہ کے لینے مسترد کردیا-  اب پنجابی ، سندھی، بلوچی، پختون یا مہاجر قوم پرستی پر سیاست صرف انتشار، فساد اور پاکستان دشمن قوتوں کی مدد کے مترادف ہے- ہان اپنی برادری کے فایدہ، حقوق اور ترقی کے لیے کام کرنے پر کون اعتراض کر سکتا ہے؟
قرآن و حدیث کے واضح احکام کے بعد بھی اگر ہم نسل ، زبان کی بنیاد پر قوم پرستی کا پرچار کریں اور اپنے آپ کو مسلمان بھی کہیں یہ کیسے ممکن ہے ؟ 

قوم پرستی کی ابتداء:

 قوم پرستی کی ابتداء قدیم دور یا قدیم جاہلیت کے دور سے ہی ہوئی ہے۔ زمانہ قدیم میں انسان کے جذبات قوم کی جگہ نسل یا قبیلہ سے وابستہ تھے۔ اس لئے کہا جاسکتا ہے اس دور میں قوم پرستی کے بجائے نسل پرستی کا دور تھا۔ اس نسلی عصبیت میں بڑے بڑے فلسفی بھی مبتلا تھے۔ 

قوم پرستی کی تاریخ:

یہ قوم پرستی کی ابتداء تھی جس نے بعد میں یورپ میں ترقی کی منازل طے کیں۔ قوم پرستی کے جراثیم کی نشوونما کو ایک طویل عرصہ تک مسیحیت کی طاقت نے روکے رکھا۔ جو اس امر کی جانب اشارہ ہے کہ ایک نبی کی تعلیم اگرچہ وہ کیسی ہی بگڑی ہوئی صورت میں موجود ہووہ بہرحال قوم پرستی اور نسل پرستی کی جگہ ایک وسیع انسانی نقطہ نظر رکھتی ہے۔
قوم پرستی کی روک تھام میں رومن ایمپائر (رومی سلطنت) کی قوت نے بھی کردار ادا کیا اور بہت سے چھوٹی قوموں کو ایک مشترکہ اقتدار کا مطیع و فرمانبردار بنا کر قومی اور نسلی تعصبات کی شدت کو کم کیا۔
مذہبی اور سیاسی وحدت کا تعلق ٹوٹنے کے بعد جب قومیں ایک دوسرے سے الگ ہوئیں تو ان کی جدا جدا خود مختار قومی ریاستیں وجود میں آنے لگیں۔ ہر قوم کی زبان اور لٹریچر نے الگ الگ ترقی کرنی شروع کی۔ لہٰذا ہر قوم کے معاشی مفاد دوسری ہمسایہ قوموں سے مختلف ہوتے گئے۔ اس طرح نسلی، سیاسی، معاشی اور تہذیبی بنیادوں پر قومیت کا ایک نیا تصور پیدا ہوا جس نے عصبیت کے قدیم جاہلی تصور کی جگہ لے لی۔ پھر مختلف قوموں میں نزاع، چشمک اور مسابقت Competition کا سلسلہ شروع ہوا۔
لڑائیاں ہوئیں ایک قوم نے دوسری قوموں کے حقوق پر ڈاکے ڈالے۔ ظلم اور شقاوت کے بدترین مظاہرے کئے گئے۔ جن کی وجہ سے قومیت کے جذبات میں روز بروز تلخی پیدا ہوتی چلی گئی۔ یہاں تک کہ قومیت کا احساس رفتہ رفتہ ترقی کرکے قوم پرستی میں تبدیل ہوگیا۔
یورپ میں قوم پرستی
مغربی اقوام میں قوم پرستی ہمسایہ قوموں کے ساتھ مسابقت اور تصادم سے پیدا ہوئی ہے۔ اس لئے اس میں چار عناصر پائے جاتے ہیں۔
جذبہِ افتخار
اپنی قوم پر فخر یا افتخار کا جذبہ اپنی قوم کی روایات اور خصوصیات کی محبت کو پرستش کی حد تک لے جاتا ہے اور اپنی قوم کے اوصاف میں مبالغہ آرائی کرنے لگتا ہے یعنی دیگر تمام قوموں کے مقابلے میں انسان اپنی قوم کو بالاتر اور برتر سمجھتا ہے۔ پھر ہر طرح کے اصلی اور جعلی تفاخر انسان اپنی قوم کے لئے مخصوص کرتا ہے جیسا کہ مصطفٰی کمال پاشا کے دور میں ترکی میں بچوں کو ابتدائی تعلیم کے نصاب میں بچوں کو سکھایا گیا کہ حضرت آدم علیہ السلام ترک تھے۔
جذبہِ حمیت
چاہے انسان پر حق ہو یا ناحق پر مگر قوم پرستی اسے اپنی قوم کی طرفداری پر مائل کرتی ہے۔ قومی حمیت یا غیرت کا جذبہ انسان کو ہر حال میں اپنی قوم کی حما یت اور اپنی قوم کا ساتھ دینے پر آمادہ کرتا ہے۔ آدمی حق و انصاف کے سوال کر نظر انداز کرکے صرف اپنی قوم کی طرفداری کرتا ہے۔
جذبۂ قومی تحفظ
قومی تحفظ کا جذبہ قوم کے حقیقی اور غیر حقیقی و خیالی مفادات کی حفاظت کےلئے قوموں کو ایسے اقدامات و تدابیر اختیار کرنے پر آمادہ کرتا ہے جو مدافعت سے شروع ہوکر دوسری قوموں پر حملہ پر ختم ہوتی ہیں۔
طاقتور بننے کا جنون
استیلا و استکبار یعنی aggrandizement کا جذبہ ترقی یافتہ اور طاقت ور قوموں میں یہ خواہش پیدا کرتا ہے کہ وہ دوسروں کی دولت اور خرچ پر اپنی خوشحالی بڑھائیں۔ اسی کے باعث وہ پسماندہ اقوام میں اپنی تہذیب پھیلانے، ان پر غالب ہونے اور ان کی قدرتی دولت سے استفادہ کرنے کو اپنا پیدائشی حق سمجھتے ہیں۔ اسی جذبہ کے تحت مغربی ممالک “امریکہ خدا کا اپنا ملک ہے”، “جرمنی سب سے اوپر”، ” اٹلی ہی مذہب ہے“، اور “حکومت کرنا برطانیہ کا حق ہے“ جیسے نظریات رکھتے ہیں۔ ہر قوم پرست ملک یہ سمجھتا ہے کہ “سب سے پہلے میرا وطن“ چاہے وہ حق پر ہو یا ناحق پر۔
مفکرینِ مغرب
فرانسس کوکر قوم پرستی کی تعریف کرتے ہوئے لکھتا ہے کہ “بعض قوم پرست اہل قلم دعوٰی کرتے ہیں کہ آزادانہ زندگی بسر کرنے کا حق دنیا کی صرف ترقی یافتہ قوموں کو ہے۔ ان قوموں کو جو ایسا اعلیٰ درجہ کا تہذیبی اور روحانی سرمایہ رکھتی ہیں جو اس کا مستحق ہے کہ دنیا میں باقی رکھا جائے اور پھیلایا جائے۔ ان کا استدلال یہ ہے کہ ایک اعلیٰ درجہ کی مہذب قوم کا حق اور فریضہ صرف یہی نہیں ہے کہ وہ اپنی آزادی کی حفاظت کرے اور اپنے اندرونی معاملات کو دوسروں کی مداخلت کے بغیر سرانجام دے، بلکہ اس کا حق اور فرض یہ بھی ہے کہ اپنے دائرہ کو ان قوموں پر پھیلائے جو نسبتاََ پسماندہ ہیں۔ خواہ اس کے لیئے قوت ہی کیوں نہ استعمال کرنی پڑے۔ وہ کہتے ہیں کہ ایک اونچے درجے کی قوم اپنا ایک عالمگیر منصب رکھتی ہے“۔
فرانسس کوکر مزید لکھتا ہے کہ ” یہ بھی کہاجاتا ہے کہ ایک بڑی قوم صرف یہی حق نہیں رکھتی کہ وہ اپنے ہونے والے براہ راست حملہ کی مدافعت کرے، اپنی سرحدوں کی حفاظت کرے، اپنی عزت کو پامال نہ ہونے دے بلکہ وہ اس کو مزید آگے بڑھنا چاہئے، پھیلنا چاہئے، اپنی فوجی طاقت بڑھانی چاہئے، اپنا قومی دبدبہ قائم کرنا چاہئے، ورنہ وہ رفتہ رفتہ گرتی چلی جائے گی اور بالآخر قوموں کی مسابقت میں اس کا وجود محو ہوکر رہ جائے گا۔
جنگ قومی توسیع کا فطری ذریعہ ہے، اور جنگ میں فتح یاب ہونا قوم کے اصلح Fittest ہونے کی دلیل ہے“۔
ڈاکٹر بیچ ہاٹ کے بقول وہ جنگ ہی جو قوموں کو بناتی ہے۔
ارنسٹ ہیکل جو جرمنی میں ڈارونیت کا پہلا اور سب سے بااثر پیغمبر گزرا ہے، خود پرستی اور خود غرضی کو عالمگیر قانون حیات قرار دیتا ہے اور کہتا ہے کہ قانون انسانی سوسائٹی کے اندر ایک طرح کی نسلی مردم خوری کی صورت جاری ہوتا ہے۔ اس کے خیال میں زمین ان تمام نسلی گروہوں کے لئے کافی سامانِ زندگی نہیں رکھتی جو اس کی آغوش میں جنم لیتے ہیں۔ لہٰذا کمزور گروہ فنا ہوجاتے ہیں۔ ایک تو اس وجہ سے کہ زمین کے محدود وسائلِ زندگی سے سے فائدہ اٹھانے کے لئے جو تنازع برپا ہوتا ہے اس میں وہ دوسرے گروہوں کا کامیاب مقابلہ نہیں کرسکتے۔ دوسرا اس لئے کہ زیادہ طاقتور گروہوں کے فاتحانہ اقدامات کی مدافعت کا کس بَل ان میں نہیں ہوتا۔

پاکستان میں  کچھ لوگ پشتون، پختون، بلوچ ، سندھی اور مہاجر قوم پرستی کی سیاست کر رہے ہیں کیونکہ ملکی لیول پر وہ عوام سے دھوکہ کی سیاست سے ووٹ نہیں کے سکتے لہٰذا  جاہلیت کے دور کی نسلی قوم پرستی ایک قبائلی جہالت زدہ معاشرہ میں  ان کی سیاسی زنندگی ہے-

• http://pakistan-posts.blogspot.com/p/why-pakistan.html
• https://ur.wikipedia.org/wiki//دو_قومی_نظریہ

پٹھان بہت گزرے مگر شیرشاہ سوری جوکہ مسلمان تھا ہندوستان کے اچھے حکمران کےطور پر تاریخ میں نام چھوڑ گیا- وہ اپنی نسلی عصبیت سے بلند ہوکر ہندوستان کاحکمران بنا- پاکستان میں بھی پٹھان حکمران گزرے ہیں- اچھے کام سے نام بنتاہے ناکہ نسلی عصبیت سے-
جن رہنماووں نے نسل، زبان کی بنیاد پر سیاست کی ان کا کردار محدود رہا- اب بھی جو ایسا کررہے ہیں وہ صرف اپنی ذات، فیملی یا قبیلہ کی برتری یا فایدہ کے لیے ، ان کو حکمرانی کے موقع ملا توعوام کی حالت مینن کوئی خاطر خواہ تبدیلی نہ ہوئی مگر ان کی پراپرٹی اوردولت میں ملک اور بیرون ملک بہت اضافہ ہوا- وہ دوسری اقوام یانسل کو الزام دیتے ہیں کہ وہ چھوٹے اقوام کےحقوق پرڈاکہ ڈالتے ہیں مگر اپنی حکمرانی میں عوام کو تعلیم، روزگار، صحت، سیکورٹی ، پولیس، بیوروکرسی کے ظلم سے نجات نہ دلا سکے الزام دوسروں پر- کس نے سکول ، صاف پانی، صحت، پولیس ، نظام حکومت کو بہتر کرنے سےروکا ہے؟
در اصل صرف دو بڑے طبقات ہیں:
 ١) ظالم
 ٢) مظلوم 
کچھ درمیان میں جو ظالم بھی ہیں اور مظلوم بھی- ہر عصبیت میں یہ طبقات موجود ہیں- کیا پنجاب میں کوئی مظلوم نہیں؟ کیا وہاں دودھ اور شہد کی نہریں بہ رہی ہیں؟ 
جاگیر دار ، ملک، سردار ، چودھری ، وڈیرے جو اشرافیہ حکمران ہیں ہر صوبۂ میں اپنے ہی ہم قوم افراد کا استحصال اور ظلم کر رہے ہیں- یہ نظام صدیوں سے ایسے ہی ہے اس کو صرف اسلام کا نظام جو انصاف کی بنیاد پر ہے کنٹرول کر سکتا ہے- اس لیے عصبی نعرہ بازی سے عوام بیوقوف نہ بنیں- ظالموں کے اصل روپ کو پہچانیں اور ان کے شر سے محفوظ ہوں- 
مغربی سرمایہ دارانہ نظام اور سامراج پاکستان جیسے اسلامی ممالک کے ٹکڑے کرکہ چھوٹے یونٹ بنا کر ان پر اپنی گرفت مضبوط کرنا چاہتا ہے- لسانی ، عصبیت اور قومی جذبات کو ابھر کر اپنا مقصد حاصل کرنے کے لیے ایسے عصبی نسل پرستانہ نعروں سے قومی اتحاد کو ختم کرنا چاہتا ہے- عراق ، لیبیا ، شام ، یمن، شام میں جو کچھ ہو رہا ہے ہماری آنکھیں کھولنے کے لیے کافی ہونا چاہیے-  ہماری بقا باہمی صرف اتحاد سے ہے- 

لودھی اورسوری ہندوستان کی پٹھان سلطنتیں تھیں- شیرشاہ سوری کا نام تاریخ میں سنہری حروف سےکیوں لکھاجاتا ہے؟ 
شیرشاہ سوری ایک ایسا حکمران جس پرپٹھان، پشتون، پختون بطورمسلمان بجاطورپرفخرکرسکتےہیں.